Organizata bamirëse Save the Children tha se numri i emigrantëve që arrijnë në ishujt grekë gati është dyfishuar në javët e fundit.
Deri më tash, në muajin gusht, 1,367 emigrantë të rinj janë raportuar në Greqi, krahasuar me 1,721 në muajin maj.
Save the Children tha se rritja e numrit të emigrantëve ndodh pjesërisht për shkak të pasigurisë që ka shkaktuar përpjekja për grushtshtet në Turqi, më 15 korrik.
Turqia, në muajin mars, ka rënë dakord që të ndihmojë frenimin e emigrantëve, pasi mbi 1 milion sish kanë arritur në Evropë në vitin 2015.
Që nga marrëveshja midis Turqisë dhe Bashkimit Evropian, shifrat kanë rënë në mënyrë dramatike, por ekziston frika se rënia nuk mund të jetë e qëndrueshme.
Migrantët janë kryesisht të ikur nga lufta në Lindjen e Mesme.
