Policia e Bulqizës ka zbuluar dy parcela me hashash pas një denoncimi në “Komisariatin dixhital”.
Sipas njoftimit të policisë janë asgjësuar 2011 rrënjë kanabis në fshatin Peshkë si dhe janë shpallur në kërkim dy persona si autorë të kultivimit të lëndës narkotike.
Bimët ishin të kultivuara në dy parcela të hapura rishtas në një zonë të thepisur dhe të pyllëzuar në territorin e fshatit Peshk, Krastë të njësisë Administrative Martanesh.
Policia thotë se në vendin e quajtur Xixell të fshatit Peshk, Krastë, në një vend shumë të thepisur dhe të rrethuar me pemë dushku janë konstatuar dy parcela afër me njëra¬ tjetrën të kultivuara me bimë narkotike. Nga kqyrja e bërë nga grupi hetimor rezultoi se në këto parcela ishin të kultivuara 2.011 rrënjë bimë të dyshuara narkotike Cannabis Sattiva, të cilat u asgjësuan me anë të djegies, ndërsa disa bimë u sekuestruan në cilësinë e provës materiale.
