5 shtetas shqiptarë, që dyshohet se merreshin me trafik ndërkombëtar droge janë arrestuar nga policia e Ankonës. Në bashkëpunim edhe me policinë e Pesaros është zhvilluar një operacion antidroge në plazhin Fano ditën e sotme.
Sipas mediave italiane, shqiptarët u arrestuan me mbi 1 kg kanabis në plazh. Ndërkohë, dyshohet se disa ngarkesa të tjera ishin inbarkuar në plazh.
Shqiptarët dyshohet se kanë mbërritur me gomone në brigjet e Italisë, por skafistët nuk kanë qenë aty kur u zhvillua operacioni.
Gjithashtu, dyshohet se shqiptarët bëjnë pjesë në një grup trafiku droge që operon në zonën e Pesaros.
Bashkë me drogën u sekuestruan edhe 1 mijë litra karburant që do të shërbente për mbushjen e skafit me të cilin shqiptarët do të ktheheshin në Shqipëri.
