Narcist me një nevojë të thellë për dukjen e jashtme quhen personat që postojnë foto apo video ndërkohë që janë duke bërë palestër.
Sipas një studimi nga Universiteti Brunel i Londrës, përdoruesit e Facebook që hedhin foto nga palestra tregojnë në të njëjtën kohë edhe tiparet e tyre të personalitetit. Sipas këtij studimi, personat narcistë plotësojnë përditshmërinë e tyre me foto të tilla për të treguar pamjet e tyre fizike, apo se sa mirë duken. Nga ana tjetër këto lloje postimesh priren të marrin më shumë pëlqime dhe komente. Ndërkohë që njerëzit të cilët kanë vetëbesim të ulët postojnë më shumë foto në lidhje me të afërmit apo të dashurit e tyre. Këto të dhëna erdhën nga anketat që iu bënë 555 përdoruesve të Facebook.
