Një rast shokues ka ndodhur në Qendrën Spitalore Universitare “Nënë Tereza” ku mungesa e mjekëve në këtë periudhë ka lënë pacientët në mëshirë të fatit.
Pasi kur një mjek vendos të bëjë pushime, vendi ngelet bosh dhe nëse pacienti është duke vdekur, kjo nuk ka aspak rendësi për Beqajn dhe shokët e tjerë të tij.
Një djalë i dëshpëruar ka rrëfyer atë që i ka ndodhur sot tek QSUT-ja. Ai ka çuar atje nënën të sëmurë, e cila vuan nga diabeti dhe në trup i janë shtuar të nxirat nga sëmundja, por përgjigja që merr nga mjekja e shokon. Ajo i thotë se mund t’i japë vetëm qetësues, pasi mjeku dermatolog ka marrë pushimet dhe nuk mundet të bëjë asgjë më shumë.
Pamjet e mëposhtme, të publikuara nga JoQ, tregojnë qartë gjendjen e gruas dhe nevojën emergjente për ndërhyrje, por kjo nuk i bën përshtypje askujt në QSUT.
