Gratë në Shqipëri kanë marrë një rol mjaft aktiv jo vetëm në fusha sociale, por edhe në politikë. Më poshtë një klasifikim me 5 gratë më të suksesshme.
Odeta Nishani, Zonja e Parë
Zonja e Parë e Shqipërisë, Odeta Nishani, deri tani ka qëndruar larg jetës politike. Nuk ka ndërhyrë kurrë në debatet politike dhe as kur është sulmuar presidenti Nishani. Zonja e Parë është marrë vetëm evenimente sociale.
Babai i saj vjen nga një familje tregtarësh nga Kosova, të vendosur në qytetin e Durrësit në vitin 1905, ndërsa nëna vjen nga familja Karaosmani, gjyshi i së cilës, ishte një nga firmëtarët e Aktit të Pavarësisë dhe familja e saj një ndër më të pasurat në Shqipëri. Odeta Nishani është gjithashtu më e pasura ndër Zonjat e Para që ka pasur Shqipëria.
Linda Basha, bashkëshortja e kryeministrit Edi Rama
Linda Basha, bashkëshortja e kryeministrit Edi Rama, është një ndër gratë më me ndikim në vendin tonë. Edi Rama ka deklaruar disa herë se Lindën nuk e ka vetëm grua, por edhe një partnere, shoqe dhe këshilltaren më të mirë. Rama ka zbuluar gjithashtu se Linda e ka ndryshuar atë, dhe që i merr asaj mendim në çdo fushë. Linda Basha ka një karrierë të pasur si financiere e zonja, lektore dhe aktiviste e shoqërisë civile. Jeta e Linda Bashës ka një vëmendje maksimale nga mediat, edhe pse ajo edhe pse nuk preferon të marrë pjesë në jetën publike.
Jozefina Topalli, deputete e PD
Ka qenë dy herë kryetare e Kuvendit si dhe ka mbajtur edhe postin e nënkryetares në Partinë Demokratike. Sot që është në opozitë nuk e ka pushtetin që kishte kur ishte në mazhorancë. Megjithatë pas Sali Berishës dhe Lulzim Bashës, është politikania më me ndikim në Partinë Demokratike dhe e vetmja rivale e Lulzim Bashës në selinë blu. Gruaja e hekurt e PD-së është gjithnjë në vijën e parë të sulmit ndaj mazhorancës, madje duke kërkuar një opozitë edhe më radikale. Ndërkohë që Topalli është edhe e vetmja që di të dalë nga rreshti për të folur jo vetëm kundër qeverisë, por edhe lidershipit demokrat, kritika që asnjë nga përfaqësuesit të PD-së nuk i bën dot.
Vjollca Hoxha, pronare e Top-Medias
Vjollca Hoxha është pronare e kompanisë më të fuqishme mediatike në vend, “Top-Media”. Kjo perandori e ngritur nga vizionari Dritan Hoxha, po çohet edhe më tej nga bashkëshortja e tij, Vjollca Hoxha. Ndërkohë që muajt e fundit, Vjollca Hoxha është në gjyq me aksionerët e tjerë të e Top Channel. Veç televizionit, Vjolla Hoxha menaxhon edhe biznese të tjera, veçanërisht kafen e famshme Lori. Edhe pse një ndër të paktat femra milionere, Vjollca Hoxha ruan një profil jo publik.
Monika Kryemadhi, deputete e LSI-së
Njihet se politikane rebele dhe me mjaft ndikim, jo vetëm tek Lëvizja Socialiste për Integrim. E kemi parë shpesh të bëjë fushatë për LSI-në, duke e mbështetur atë si forcë dhe po ashtu bashkëshortin e saj si drejtues të LSI-së. Kryemadhi njihet për organizimin e mitingjeve dhe fushatave elektorale, ndërkohë që u zgjodh deputete në një zonë të vështirë si Lezha. Së fundmi ka qëndruar jashtë protagonizmit politik, por është një ndër gratë më me ndikim në skenën e politikës./ Tirana Observer/
