Një grua, rreth 57-vjeçe ka ndërruar jetë si pasojë e një aksidenti në fshatin Panjë në Elbasan.
Ende janë të paqarta shkaqet e aksidentit, por bëhet e ditur se gruaja ka qenë kalimtare dhe është përplasur nga një motor.
Burime nga policia bëjnë të ditur se viktima është një 57-vjeçare me inicialet B. Xh., e cila ishte duke kaluar rrugën.
Grupi hetimor ka nisur punën për zbardhjen e shkaqeve të aksidentit ku humbi jetën 57-vjeçarja nga Elbasani, ndërsa ndaluan edhe shoferin e motorit, i cili është 31-vjeçari Ardit Lazja.
