Një 32-vjeçar ka humbur jetën pasi është rrëzuar nga një lartësi në rrugën e “Zall Herrit” në Bovillë. Ngjarja ka ndodhur mesditën e së dielës dhe dyshohet se i riu ka rënë aksidentalisht.
Bëhet i ditur se emri i viktimës është Denis Hala, ndërsa banorët e zonës kanë deklaruar se nuk e njohin.
Banorë të zonës kanë njoftuar policinë për ngjarjen dhe menjëherë në ka shkuar ambulanca, por edhe forca të shumta të policisë, forca zjarrfikëse kanë shkuar për të ndihmuar në nxjerrjen e trupit të 32-vjeçarit.
Viktima e sotme e aksidentit të ndodhur në Bovillë, është një oficer i ministrisë së Mbrojtjes. Denis Hala, ka qenë me trupat speciale të Ushtrisë. Ai ra sot nga një lartësi e konsiderueshme në malin e Bovillës. Me gjithë përpjekjet për ndihmë mjekësore, 32-vjeçari ndërroi jetë në spitalin Qendror të Traumave në Tiranë.
