Një person është vrarë me armë zjarri sot në fshatin Perlat i Epërm në Mirditë.
Viktima është 52-vjeçari Mark Dodaj.
Ai është transportuar në spital në gjendje të rëndë, por nuk mundi t’u mbijetojë plagëve të marra.
Menjëherë pas vrasjes, në drejtim të vendngjarjes janë nisur forca të shumta policore si dhe dy grupe te FNSH. Nga veprimet e shpejta hetimore të kryera nga Grupi Hetimor u bë e mundur identifikimi i autorit të kësaj ngjarje të rëndë. Autori i dyshuar i krimit është Ilir Dodaj.
Mësohet se Policia ka rrethuar banesën e autorit i cili është i armatosur dhe i ka bërë thirrje atij të dorëzohet.
Viktima dhe autori ishin kushërinj të parë me njëri-tjetrin, ndërsa nuk dihet ende shkaku i konfliktit me armë që përfundoi në tragjedi.
