Policia italiane informon se ka arrestuar gjatë natës së shkuar 5 skafistë shqiptarë e ka sekuestruar gomonen e tyre me 2 tonë marijuanë në bord të transportuar përmes Adriatikut nga Shqipëria.
Arrestimi i tyre është bërë ndërsa tentonin të shkarkonin drogën nën një urë në stacioni hekurudhor të komunës së Fanos në provincën e Pesaros.
Aty ishte destinacioni i caktuar me ata të cilët do të merrnin drogën, por në momentin kur kanë parë policinë ata kanë tentuar të arratisen, por pa sukses.
Gomonia është modifikuar me dy motorra të fuqishëm jashtë bordit. Gomonia e lënda narkotike është sekuetruar nga Polcia italiane e 5 skafistët shqiptarë janë vënë nën urdhër arresti.
Operacioni për arrestimin e tyre është ekzekutuar nga Policia e Pesaros në bashkëpunim me atë të Ankonës e me Drejtorinë policore të komunës së Fanos.
Mediat italiane nuk japin emrat e të arrestuarve.
