Gjykata e Amsterdamit ka pranuar kërkesën e autoriteteve shqiptare për ekstradimin e Arben Frrokut.
Autori i vrasjes së kryekomisar Dritan Lamajt do kthehet për të shlyer dënimin në burgjet shqiptare.
Trupi gjykues në Hollandë rrëzoi pretendimet e Frrokut sipas të cilit në Shqipëri i rrezikohej jeta nga gjakmarrja. Gjykata holandeze vlerësoi se Frroku nuk solli provat e mjaftueshme për të penguar ekstradimin e tij. Gjyqtarët holandezë arsyetuan se Arben Frroku pranoi me dëshirë avokatin gjatë procesit në Shqipëri. Kjo do të thotë se ai ka pasur mundësi të mbrohet.
Dosja e plotë e Ministrisë së Drejtësisë mbërriti në Amsterdam në 20 korrik të këtij viti. Ajo përmbante vendimin e formës së prerë të gjykatës shqiptare për dënim të përjetshëm.
Frroku u arrestua në Holandë në prill të këtij viti, pasi u arratis nga Shqipëria një vit më parë, kur edhe u lirua nga akuzat me vendim të Gjykatës së Krimeve të Rënda. Ishte Gjykata e Apelit ajo që vendosi rikthimin e Frrokut në burg, duke e gjetur atë fajtor për vrasjen e Lamajt.
Mbi Arben Frrokun akuza e vrasjes së kryekomisar Dritan Lamaj në shkurt të vitit 2013-ë. Ndërsa drejtësia shqiptare e ka dënuar atë me burgim të përjetshëm.
