Deputetja e Partisë Demokratike, Albina Deda ka postuar një video në faqen e saj në Facebook ku tregon momentin e ndalimit nga policia rrugore në qytetin e Lezhës, teksa ishte duke udhëtuar me burrin dhe fëmijët.
Në videon e publikuar dëgjohet deputetja kur i drejtohet efektivit të rrugores me fjalët “Shko e mblidh hashashin kaq po të them”, pasi polici e kishte ndaluar.
Albina Deda përmes një statusi thotë se polici i rrugores kishte marrë urdhra nga lart për ta ndaluar, ndërsa shprehet se e bllokuan për 30 minuta në rrugë pa asnjë arsye apo shkelje të rregullave të qarkullimit.
“Ky “i shkreti” nuk ka faji.. Ka urdher.. nga shefi..! nuk e ben per gje thote: po me heqin nga puna.
Pasi jemi bllokuar per 30 minuta ne rruge pa asnje arsye apo shkelje te rregullave te qarkullimit.
Se dija se me paskan frike edhe kur jane me eskorte” shkruan deputetja në status.
