Vdes në spital punonjësi i OSHEE-së (në foto) që u qëllua me thikë në qytetin e Shkodrës. Policia e këtij qyteti bën me dije se ngjarja ka ndodhur mbrëmjen e sotme për shkak të detyrës.
Elektriçistri i OSHEE-së, Zamir Velaj është plagosur pasi i ka ndërprerë energjinë banesës së shtetasit Martin Zefi. I zoti i banesës, Zefi në gjendje të dehur, pasi është konfliktuar me punonjësin Velaj e ka qëlluar disa herë me thikë.
Ai u transportua në gjendje të rëndë në spital, por nuk mundi t’i mbijetojë plagëve të marra, duke ndërruar jetë pak minuta pas plagosjes.
Menjëherë pas ngjarjes blutë e Shkodrës arrestuan autorin e ngjarjes Martin Zefi.
