Presidenti i Turqisë Recep Taip Erdogan pritet të takohet në Shën Petërsburg me homologun e tij Vladimir Putin. Ky është takimi i parë që në kohën kur Turqia rrëzoi një avion rus në Siri si dhe e para vizitë jashtë vendit e Erdogan pas tentativës për grusht shteti.
Marrëdhëniet mes tyre ishin të ngrira pas ngjarjes në Siri ku Rusia imponoi sanksione tregtare dhe pezulloi paketat turistike për në Turqi.Në këtë takim synohet të sigurohet një faqe e re në historinë e marrëdhënieve mes dy vendeve.
“ Kjo do të jetë një vizitë historike, një fillim i ri. Besoj se do të hapet një faqe e re në negociatat me mikun tim Vladimir Putin” u shpreh Erdogan pak orë para vizitës.
Në qendër të bisedimeve do të jenë rinisja e marrëdhënive tregtare, investimet, turizmi si dhe konflikti në Siri ku palët kanë qëndrime të kundërta.
Ky përafrim me Rusinë vjen pikërisht në kohën kur Erdogan ndihet i tradhëtuar nga BE duke e akuzuar këtë të fundit se nuk i qëndroi pranë pas tentativës për grusht shteti.
