Shtëpia e një gjyqtareje ka rënë pre e hajdutëve. Ngjarja ka ndodhur gjatë ditës së djeshme lagjen “Isa Boletini”.
Burime nga policia kanë bërë të ditur se ngjarja ka ndodhur në banesën e 40-vjeçares me inicialet K. Gj., e cila është gjyqtare e Gjykatës së Shkallës së Parë të Vlorës.
Pas njoftimit për vjedhjen, në banesën e gjyqtares kanë shkuar forca të shumta policie që kanë nisur hetimet.
Të njëjtat burime nga policia thanë se ende nuk është përcaktuar vlera e sendeve që janë marrë, por bëhet fjalë për bizhuteri floriri e sende të tjera me vlerë të madhe.
