Një takim i tretë për kreun e Kuvendit, Ilir Meta gjatë ditës së sotme. Meta ka takuar në mbrëmje kryeministrin Edi Rama tek Vilat qeveritare në Durrës.
Takimi mes dy liderëve të maxhorancës ka në fokus të diskutimeve ligjin e vettingut si dhe ecurinë e koalicionit.
Po sot pasdite kreu i Kuvendit, Meta priti në një takim në Kryesinë e Kuvendit kreun e opozitës, Lulzim Basha.
Pas këtij takimi, palët ranë dakord që ligji i vettingut të shqyrtohet nga nesër në komisionet parlamentare, ndërsa miratimi i tij do të bëhet brenda muajit gusht. Po sot, Meta pati një drekë pune edhe me ish-presidentin Rexhep Meidani dhe ish-deputetin socialist Koço Kokëdhima.
