Në Virxhinia të Shteteve të Bashkuara, një shofere ka mbetur e habitur kur policët kërkuan që ajo të ndalonte pa asnjë arsye.
Por ankthi i saj ka ndryshuar shpejt dhe për mirë, sapo ka kuptuar se është një lojë. “Është kundër ligjit që të drejtoni makinën në një ditë të nxehtë pa ngrënë akullore”, i ka thënë polici shoferes për t’i dhënë më pas një akullore të mbështjellë.
Ajo dhe shoqëruesi saj kanë filluar të qeshin, pasi u befasuan nga akulloret që morën nga policët.
“Vetëm deshëm që të shohim njerëz me fytyra të buzëqeshura”, ka thënë polici Kevin Lands, kur është pyetur nga mediat për këtë veprim. Me siguri kjo është policia që duan amerikanët.
