Një aksident ka ndodhur pasditen e sotme në Golem, Kavajë. Një djalë është përplasur nga një makinë, teksa kalonte rrugën duke marrë plagë të shumta, por për më shumë se 20 minuta nuk ka marrë asnjë ndihmë përveç se nga kalimtarë të rastit.
I riu i aksidentuar ka qenë me vëllain e tij, ndërsa në video duket gjendja e tij e rënduar pas aksidentit, pasi është përplasur fort në kokë. Siç duket në video, djali ka hemorragji nga koka dhe gërvishtje në trup, ndërsa ambulanca nuk duket gjëkundi.
Sipas një qytetari, i plagosuri kishte të paktën 20 minuta i shtrirë në tokë, “duke dhënë shpirt”, por ambulanca dhe policia nuk mbërrijnë. Më pas një makinë policie mbërrin në vendngjarje, dhe polici i jep ndihmën të plagosurit.
“Ishte mbi 20 minuta i shtrirë ashtu gati duke dhënë shpirt. Ambulanca nuk dukej gjëkundi dhe policia erdhi shumë vonë”, shkruan personi që ka dërguar videon.
Ky i fundit merret në krahë nga të pranishmit për t’u futur në makinë e më pas për t’u transportuar në spital, siç duket në video. Nuk dihet arsyeja e vonesës së ambulancës apo një trupe mjekësore që detyrimisht duhet të ishte pranë kësaj zone turistike
