Rreth 23,000 trupa shtesë dhe oficerë policie do të vendosen në vendet turistike në Francë gjatë verës.
Shërbimet e sigurisë franceze do të mbrojnë turistët gjatë pushimeve verore për shkak të frikës nga sulmet terroriste islamike.
Policia e armatosur dhe ushtarët do të patrullojnë plazhet, festivalet, stacionet dhe aeroportet si pjesë e masave pas masakrës që ndodhi në ‘Ditën e Bastiljes’ në Nice, ku mbetën 84 njerëz të vdekur, dhe vrasjes së priftit 85-vjeçar në Normandi.
Frika nga sulmet terroriste mbetet e lartë, Këshilli i Kanës do të ndalojë çantat e shpinës dhe çfarëdo lloj çantë tjetër në plazhe, në të cilat mund të fshihet ndonjë bombë, raporton The Times.
Ministri i brendshëm francez Bernard Cazeneuve, tha se trupat shtesë dhe policët do të vendosen në 56 festivale, koncerte të hapura dhe panaire këtë verë.
