Shoqëria civile ka protestuar sot para Ministrisë së Transportit për të kundërshtuar tarifën prej 5 euro të përcaktuar për automjetet që do të kalojnë në Rrugën e Kombit.
Ata kanë deklaruar se kjo tarifë është anti-shqiptare, pasi frenon lidhjen mes Shqiperise dhe Kosoves. Përfaqësuesit e shoqërise civile kujtuan se automjetet e paguajnë taksën e rrugës përmes taksës se qarkullimit.
Pervec saj, protestuesit deklaruan se udhëtareve nuk u ofrohet një rrugë dytësore ku mund të kalojnë pa paguar, e detyrueshme kjo për cdo aks rrugor me pagese.Pas protestës ata janë pritur në një takim nga ministri i Transporteve Edmond Haxhinasto.
