Pasi ushtroi dhunë fizike kanos me armë bashkëshorten e tij 22 vjet më të vogël. Ngjarja është shënuar në fshatin Shardusht të Rrogozhinës mbrëmjen e 27 majit 2016 ndërsa policia informon arrestimin e 69 vjeçarit pak metra larg banesës.
Në pranga ka rënë “Xhevdet Peza , 69 vjeç banues në fshatin Shardusht Njesia Administrative Lekaj”
Policia informon: “Në banesën e tij, pasi ka ushtruar dhunë fizike, ka kanosur në fillim me armë gjahu të cilën e kishte me leje bashkëshorten e tij shtetasen K. Peza, 47 vjeçe. Më pas ka lënë armën e gjahut dhe ka kanosur me një armë pistoletë tip miniberet të cilën e mbante pa leje.
Forcat e policisë pas telefonatës së marrë, kanë shkuar menjëherë në vendngjarje dhe kanë bërë neutralizimin e autorit pak metra larg banesës pasi ka tentuar të largohej duke përfituar nga errësirra.
Nga kontrolli i ushtruar në banesë ju gjet dhe sekuestrua në cilesinë e provës materiale:
• një pistolet tip mini beret me 5 fishek (pa leje)
• një armë gjahu (çifte) me leje të organeve kopetente.
Materialet i’u referuan Prokurorisë pranë Gjykatës Shkallës Parë Kavajë për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”, parashikuar nga Neni 130 a/2 dhe 278 të Kodit Penal.
