Një 36 vjeçare tenton të vrasë me thikë bashkëshortin në gjumë. Policia thotë se gruaja e ka goditur 6 herë me thikë bashkëshortin Besnik Basha, në banesën e marrë me qera nga ana e saj në qytetin e Bulqizës.
45 vjeçari është plagosur dhe ndodhet në Spitalin e Dibrës jashtë rrezikut për jetën, por është arrestuar në flagrancë nga Policia për “Armëmbajtie pa leje”.
Ngjarja është shënuar rreth orës 03: 00 të mëngjesit të 28 korrikut.
Në pranga ka përnduar dhe Rudina Basha për akuzën e “vrasjes për shkak të marrëdhënieve familjare”, mbetur në tentativë, vepër e parashikuar nga nenet 79/c – 22 të Kodit Penal.
Policia informon: “Arrestimi i saj u bë pasi rreth orës 03:00 të mëngjezit, shtetasja Rudina Basha, dyshohet se ka goditur 6 herë me thikë, për motive të dobëta, në banesën e marrë me qera nga ana e saj në qytetin e Ri-Bulqizë, bashkëshortin e saj Besnik Basha, 45 vjeç, lindur e banues në Dragu-Bulqizë, gjatë kohës që ai ka qenë në gjumë”.
Grupi hetimor sekuestroi thikën si provë materiale dhe materialet proceduriale do t’i kalojnë Prokurorisë Pranë Gjykatës së Shkallës Parë për Krime të Rënda Tiranë
Gjithashtu është firmosur arrestimi dhe për bashkëshortin e tij pasi në banesën e tij është gjetur dhe sekuestruar një armë zjarri Pushkë model 63 si dhe një krëhër me 10 fishekë.
