Ajo vetë nuk ka preferuar të komentojë gjatë dhe as të shfaqet tërësisht, mirëpo në Snapchat ka publikuar një foto ku vihet re e shoqëruar nga një mashkull teksa udhëton me makinë. Duke dashur të mos zbulojë personin në krahë, ajo ka vendosur një “sticker” (ngjitëse) me mbishkrimin “hot” në fytyrën e djalit.
Mbetet për t’u përmendur edhe fakti se Tuna vazhdimisht është parë në shoqërinë e këngëtarit Ylli Limani, i cili është vite më i ri se këngëtarja dhe është aluduar madje për një histori të mundshme dashurie mes tyre.
Pra, një djalë “hot”, udhëtime me makinë, imazh i kuruar i këngëtares… të gjitha këto na bëjnë të mendojmë se disa zemra janë në ajër. Megjithatë, derisa Tuna ta rrëfejë vetë këtë pjesë të jetës së saj, nuk na mbetet gjë tjetër veçse të urojmë që ajo të ndihet e lumtur e në shoqëri të mirë.
