Ende pa kaluar as 24 orë, ndryshimet kushtetuese janë botuar në fletoren zyrtare pas dekretimit nga Presidenti Bujar Nishani.
Në Kuvend palët po përplasen me njëra- tjetrën për kohën kur duhet të shqyrtohen shtatë ligjet e paketës së Drejtësisë pasi sipas Kushtetutës këto ndryshime marrin vlerë juridike vetëm pas 15 ditësh nga ky moment.
Kështu, Partia Socialiste dhe ekspertët e huaj thonë se këto ligje duhet të shqyrtohen menjëherë, ndërsa për administratën e Kuvendit dhe Partinë Demokratike, shqyrtimi i tyre nuk mund të bëhet përpara 10 gushtit.
