Pas grushtit të shtetit, duket se Erdogan nuk di të ndalet nga arrestimet e shumta që po bën. Policia e Ankarasë ka arrestuar edhe një profesor shqiptar me banim në Turqi mbrëmjen e djeshme në Ankara, nën akuzën se ka bindje guleniste ( prirje anti-regjimit të Erdogan).
Marjus Hoxha, 30 vjeç është ligjërues në Universitetin Zirve.
Familjarët e tij thonë për Telegrafin se arrestimin e ka konfirmuar edhe Ambasada e Shqipërisë në Ankara, por nuk kanë përgjigje se çfarë do të ndodhë me profesorin Hoxha.
“Familja kërkon ndihmën nga Ministria e Jashtme e Shqipërisë. Jemi shumë të shqetësuar. Ai nuk ka asnjë lidhje me zhvillimet politike në Turqi”, thotë një familjar i tij për ‘Telegrafin’.
