Dy drejtuesit e mjeteve të përfshira dje në aksidentin në Gjirokastër, ku humbën jetën 3 persona, mes tyre dy fëmijë, kanë përnduar në pranga. Burime nga policia lokale bënë me dije se bëhet fjalë për Hasan Dedjan, 58 vjeç, banues në Tiranë dhe Irfan Hasanin, 31 vjeç, banues në Gjilan të Kosovës. Këta dy persona akuzohen për ‘Shkelje të rregullave të qarkullimit rrugor’.
Po të njëjtat burime pohuan se dje në orën 14:00, në aksin rrugor Gjirokastër-Tepelenë, në vendin e quajtur kryqëzimin i rrugës Mashkullorë, mjeti Nisan me targa ZH 750960 që drejtohej nga Hasani është përplasur me mjetin fugon ‘Benz’ me targa AA760LI që drejtohej nga Dedja dhe si pasojë e përplasjes kanë humbur jetën Albana Hasani, 38 vjeçe, banuese në Tiranë, e bija D.D, 9 muajshe që ndodheshin në mjetin me targa AA760LI dhe shtetasi L.H., 1 vjeç e gjysmë që ndodhej në mjetin me targa zvicerane.
Ndërkohë, nga aksidenti mbetën të plagosur janë dëmtuar shtetasit P.H., 26 vjeçe, H.D., G. Sh., K.Gj., 9 vjeç, E.Gj., 13 vjeç, L.H., 3 vjeç e gjysmë, E. Gj., dhe I.H, të cilët pasi morën ndihmën mjekësore në spitalin rajonal Gjirokastër u transportuan për ndihmë mjekësore më të specializuar në spitalin e traumës në Tiranë.
