Policia italiane ka arrestuar dy shqiptarë pasi tentuan të vjedhin një banesë ku jetonin 2 policë. Ngjarja ka ndodhur në Prato mbrëmjen e kaluar.
Sipas mediave italiane mësohet se ka qenë një prej policëve ai që vuri re dy shqiptarët të hynin në apartament. Ai ka lajmëruar bashkëshorten e tij e cila gjithashtu ishte police. Shqiptarët, identiteti i të cilëve nuk bëhet i ditur e kanë parë vetën të rrethuar nga policë dhe nuk kanë mundur të shpëtojnë.
Ata janë të moshës 22 dhe 28-vjeç dhe me vete iu gjetën mjete të cilat përdoren për vjedhje, si kaçavidë, çelës papagall, etj.
