Cristiano Ronaldo mendon se sezoni 2015/16 ka qenë më i miri në karrierën e tij sa i përket trofeve të fituar.
Portugezi, i cili u shpall kampion Evrope me klub dhe Kombëtare, e cilëson këtë vit si më të mirin në karrierën e tij. Ai këtë e ka thënë në një intervistë në muzeun e tij ku dërgoi trofeun e Ligës së Kampionëve që fitoi me Realin me 28 maj në Milano.
“Ka qenë një moment i mrekullueshëm fitimi i ‘La Undecimas’. Në aspektin e trofeve, ky ka qenë viti më i mirë në karrierën time. Kam fituar dy trofetë më të rëndësishëm për klub e Kombëtare”, tha Ronaldo.
“Jam shumë i lumtur që trofeu tashmë është në muzeun tim. Duke fituar me Real Madridin, aty ku kam qenë për shtatë vite, me të vërtetë është diçka e mrekullueshme për mua. Gjerat po shkojnë mirë. Trofeu tjetër që do ta sjell këtu është ai i Evropës që fitova me kombëtaren time, Portugalinë”, shtoi Ronaldo.
