Një grua po tenton të hidhet nga çatia e banesës së saj në rrugën “Fortuzi”.
Mësohet se bëhet fjalë për 9 familjarë të familjes Sadiku të cilët janë ngujuar brenda banesës së tyre me qëllim që të mos lejojnë përmbaruesit të zbatojnë vendimin e gjykatës për ‘ju marrë banesën.
Historia e tyre dhe problemi me pronën u bë i njohur paraditen e djeshme për publikun, ku tre anëtarë të kësaj familje protestuan para Kuvendit, teksa pritej miratimi i reformës për drejtësi.
Teksa kërkonin miratimin e reformës në drejtësi, një zonjë e moshuar, një tjetër paraplegjike dhe Mira Sadiku kërkuan takimin me ministrin e Drejtësisë dhe atë të Brendshëm ,me qëllim që të tregonin hallin e tyre.
Ndërsa dje kërkuan drejtësi, zonja Mira mëngjesin e sotëm është ngjitur sipër çatisë së banesës që duhet ta lënë të lirë, ndërsa 9 anëtarë të tjerë janë ngujuar brenda saj, mes tyre një foshnje 4 muajshe.
Kujtojmë se historia e tyre ka vite që zgjat dhe se një nga personat brenda familjes në vitin 2013 u përplas me armë me përmbaruesit privat.
