Departamenti Amerikan i Shtetit ka përshëndetur miratimin me konsensus të reformës në drejtësi, e cila u votua në orët e para të mëngjesit pas një seanve maratonë.
Duke e cilësuar një hap historik për Shqipërinë, DASH thekson se kalimi i reformës është një sukses që i përket shqiptarëve dhe se SHBA-të janë të angazhuara në zbatimin e saj.
“SHBA përgëzon qytetarët e Shqipërisë për kalimin e ligjit të reformës në drejtësi. Ky është një hap historik përpara për demokracinë shqiptare. Liderët e Shqipërisë e kanë vendosur vendin në drejtë të historisë. Suksesi i takon popullit shqiptar dhe shoqërisë civile që nuk u dorëzua kurrë në kërkesat e tyre për ndryshim. SHBA-të janë të vendosura për të ndihmuar Shqipërinë në zbatimin e kësaj reforme”, tha zëdhënësja e DASH.
