Ish-zëdhënësja e Partisë Demokratike, Silvi Bardhi ka ironizuar deklaratën e deputetes Majlinda Bregu për burrat.
Deputetja demokrate Majlinda Bregu ka kërkuar disa herë që PD të votojë reformën në drejtësi. Edhe gjatë mbledhjeve të grupit, ajo ka debatuar me kreun e PD, Bashën, madje duke kërkuar të mos i shpallë luftë SHBA-ve.
Sot paradite para se të niste seanca plenare, kur diskutohej prishja e marrëveshjes së trumbetuar dje si fitore, Bregu tha se në këtë vend nuk ka më burra, por janë bërë më keq se gratë e këqija.
“Deri dje kam besuar në një marrëveshje dhe fjalë burrash. Më vjen keq të them po në këtë vend se burrat po bëhen më keq se siç i kanë quajtur vetë gratë e këqija. Kjo marrëveshje dhe kjo reformë sot duhet të votohet. PD ka marrë një vendim dje për të votuar reformën në drejtësi. Kaq!”, ka thënë Bregu.
Ndërkaq ish-zëdhënësja e PD përmes një statusi në profilin e saj në Facebook, aludon për Bregun si një grua-burrë. “Ç’nënkuptohet me burrë në Shqipëri? Po me gratë si burra çfarë kuptojmë?”,- shkruan Bardhi.
(Boldnews)
