Kryedemokrati Lulzim Basha ka mbërritur në selinë e PD rreth orës 18 e 15 bashkë me deputetin Oerd Bylykbashi. Basha ka hyrë shumë shpejt në seli dhe nuk është ndalur të japë ndonjë prononcim për gazetarët lidhur me negociatat e zhvilluara deri në këto momente për propozimin e ri për reformën në drejtësi.
Ai ka lënë kryesinë e Kuvendit i fundit, pas largimit të Metës dhe Ramës, ku ka diskutuar më gjatë me ambasadorët Lu dhe Vlahutin. Nga momenti në moment pritet edhe një dalje e tij për të shprehur qëndrimin e opozitës.
Ndërkohë seanca plenare e planifikuar të riniste në orën 18:00 nuk ka nisur ende, pikërisht pasi pritet një qëndrim i PD-së.