Shteti shqiptar ka ngritur ndaj biznesmenit italian akuza për mashtrim, falsifikim dhe pastrim parash që kanë të bëjnë me një skemë të dështuar për ndërtimin e hidrocentralit të Kalivaçit.
MIrëpo, qeveria shqiptare duket se ka hequr dorë nga përpjekjet për ekstradimin e Françesko Beketit pasi avokatët shqiptarë nuk e kanë apeluar çështjen pas vendimit të gjykatës në Londër. Kjo e fundit rrëzoi kërkesën e Shqipërisë për ekstradimin e 49 –vjeçarit.
Françesko Beketi i ka mohuar akuzat dhe avokatët e tij thonë se çështja është e motivuar politikisht.
Beketi ka investua në Shqipëri që prej viteve 1990, ndërsa pas urdhrit të arrestit autoritetet shqiptare u mbyll dhe televizioni në pronësi të tij Agon Channel. Beketi pas vendimit të gjykatës në Londër ka kërkuar që të gjitha proceset ndaj tij në Shqipëri të marrin fund.
