Pas kritikave në mbledhjen e grupit parlamentar si dhe në intervistën dhënë për “Zërin e Amerikës”, deputeti i Partisë Demokratike, Eduard Selami ka thënë se zgjodhi të kritikojë liderin demkrat për bllokimin e reformës në drejtësi.
Selami tha se Shqipëria ishte në rrugën e bllokimit ndërkombëtar, ndaj shprehu votën e tij pro reformës, pavarësisht qëndrimit të PD.
“Ka dallim të madh mes dje dhe sot. Shqipëria ishte në rrugën e bllokimit ndërkombëtar dhe prandaj dje mori kritikën time. Sot jo. Falenderoj Partinë Demokratike, Lulzim Bashën, Edi Ramën, falenderoj z.Lu, znj. Vlahutin që arritën që më në fund arritën që Shqipërisë t’i japin një draft, që nesër do jetë një projekt bashkëkohor për Shqipërinë Eropiane”, u shpreh Selami.
Deputeti demokrat theksoi se miratimi i draftit “Nuland” është një fitore e madhe për vendin. “Është drafti hibrid i Nuland dhe i mbështetur nga ndërkombëtarët, është një fitore e madhe”, tha Selami.
