Rruga në zonën e Skelës drejt Ujit të ftohtë në Vlorë është në një kaos për shkak të punimeve të “Lungomares”, përgjatë të cilët nuk është ndërtuar asnjë korsi për emergjencat.
Shumë qytetarë mund të kenë rrezikur jetën vetëm sepse ambulanca që i transporton ata bllokohet në trafik. Siç mund ta shikoni edhe në videon e mëposhtme, një makine ambulance i është dashur të hipë në bordurën e vendosur në mes të dy rrugëve të makinave, në tentativë e sipër për të parakaluar autokolonën e gjatë.
Ngjarja ka ndodhur mbrëmjen e djeshme, ndërsa në video dëgjohet edhe revoltimi i qytetarëve vlonjatë, të cilët kanë qenë duke lëvizur në një nga pjesët e Lungomares së re. “E përmbysën të vdekurin”, – thotë njëri nga personat që është duke xhiruar videon, ndërsa shikon se si është duke lëvizur autoambulanca.
