Kanë kaluar më shumë se 30 minuta dhe deputetët e djathtë ende po presin kolegët e majtë për të firmosur kështu draftin e arritur me marrëveshje. Deputeti i PD-së, Gent Strazimiri ka postuar edhe një foto nga salla e byrosë në Kuvend ku mblidhet komisioni, e cila është bosh dhe në pritje të mbledhjes.
“Live nga salla e Komisionit të Reformës në Drejtësi: Nata ra’ siç e pata merakun…. Dhe, siç ia pata frikën pak orë më parë, po presim në Kuvend të mblidhet Komisioni i Posaçëm për të përfshirë në draft marrëveshjen e arritur pak orë më parë, se ndryshe nuk miratohet dot në seancën e nesërme… Shokët e Partisë janë fshehur dhe nuk përgjigjen… Mjerot anembanë kanë marrë porosi të raportojnë se ç’po bisedohet në … mbledhjen që ende s’po mblidhet…”, shkruan Strazimiri.
