Lulzim Basha konfirmoi mbrëmë se PD do e votojë reformën në drejtësi të enjten në parim.
Në një lidhje të drejtpërdrejtë me studion e “Opinion” Basha shpjegoi se ka vetëm një kleçkë që duhet zgjidhur gjatë orëve të fundit.
DEKLARATA E BASHËS
Mbrëmë u ra dakord për të votuar variantin hibrid. Por për fat të keq u prish konsensusi në mesnatë pasi u fut një dispozitë poshtëruese, përjashtuese për shqiptarët që dëshirojnë të aplikojnë në organet e vetingut.
Theksoj se ky është një propozim poshtërues sepse cënon normat dhe të drejtat e njeriut. Kam biseduar sot me përfaqësuesit më të lartë të SHBA dhe BE dhe kam besimin tim të patundur se një normë e tillë ligjore, e padenjtë do të hiqet.
PD në emër të çdo shqiptari edhe të votuesve ka arritur një fitore për ta sjell draftin kushtetues këtu ku është sot me norma dhe standarde të bazuara në Komisionin e Venecias. Nuk duhet të kishte qenë një betejë por kështu e bëri kundërshtari ynë politik (Rama).
PD do të votojë për miratimin në parim, por ky poshtërim do të bjerë se nuk ka rrugë tjetër. Ne do të vazhdojmë përpjekjet tona.
Sovraniteti një përgjegjësi kushtetuese dhe llogari kushtetuese japin institucionet kombëtërare shqiptare. të huajt kanë rol monitorimi. Kjo është një betejë e PD e fituar për kushtetuetshëmërinë.
A keni pasur marrëveshje me Metën?
Asnjë marrëveshjen me Ilir Metën. Absolutisht asnjë.
A do ta votoni reformën të enjten?
Shqiptarët do të kenë të gjitha votat e PD për reformën.
