Larg vëmendjes së kamerave, presidenti Bujar Nishani ka dekoruar kreun e SHISH, Visho Ajazi Lika ashtu siç bëri Rama 10 muaj më parë.
Atij i është akorduar “Dekorata e Artë e Shqiponjës, me motivacionin:
“Për punën, përpjekjet, sakrificat dhe arritjet e vazhdueshme 25 vjeçare të punonjësve të Shërbimit Informativ të Shtetit në realizimin me guxim, qëndrueshmëri, besnikëri, përkushtim e vetmohim të detyrave të tyre ligjore; për forcimin e sigurisë së shtetit e qytetarëve të tij, si dhe për garantimin e suksesit të zhvillimit ekonomik, shoqëror, liberal e demokratik të vendit.
Në ceremoninë e Nishanit, ashtu si në atë të Ramës, morën pjesë përfaqësues të ambasadës amerikane dhe të shërbimeve inteligjente partnere.
