Partia Demokratike ka mbledhur grupin parlamentar pasditen e sotme për të diskutuar për të disatën herë reformën në drejtësi dhe për të përcaktuar qëndrimin e kësaj force. Nga burime brenda PD, mësohet se mbledhja është shoqëruar me debate, pasi një pjesë e deputetëve kanë kërkuar që PD të miratojë reformën dhe të mos presë deklaratat e kreut të Kuvendit, Ilir Meta.
Deputetja Majlinda Bregu dhe deputeti Eduard Selami mësohet se kanë thënë se PD nuk mund të dalë kundër ambasadës së SHBA-ve.
Bregu: Duhet të dalim me një zgjidhje. Duhet të votojmë reformën në drejtësi. Nuk mund të fshihemi pas detajeve. Ne nuk mund t’i shpallim luftë ambasadës. Le t’i lëmë përrallat me diversantë. Ne nuk mund të presim deklaratat e Metës për të vendosur çdo bëjë PD.
Selami-Bashës: Na keni futur në kurthin e sherrit me ndërkombëtarët. Premtove që pas nenit 88 do e votoje. Nuk e kuptoj pse nuk e jepni zgjidhjen?
