Kryetari i Kuvendit, Ilir Meta pas deklaratës së tij për dorëheqjen dhe zhvillimeve të fundit lidhur me reformën në drejtësi, i ftuar në emisionin “Opinion”, tha se është më optimist për kalimin e draftit të reformës në drejtësi në Parlament.
Gazetari Blendi Fevziu e pyeti kreun e LSI¬së se, përse e përmendi 6 herë fjalën “burg” në deklaratën e tij të para dy ditëve. Meta iu përgjigj se atë nuk e tremb burgu.
Gjatë intervistës së dhënë në emisionin “Opinion”, ai ka deklaruar se pas takimit të sotëm me kryeministrin, Edi Rama dhe liderin e opozitës, Lulzim Basha është i bindur që reforma do të marrë 94 vota. Por, pavarësisht kësaj kreu i LSI¬së shtoi se shumë deputetë të Parlamentit nuk e kanë të qartë se çfarë sjell kjo reformë.
