Një automjet në rrugën e “Elbasanit”, tek rreth rrotullimi i “Ibës”, ka marrë flakë këtë të dielë.
Burimet zyrtate policore thanë se bëhet fjalë për automjetin tip “BMW”, në pronësi të shtetasit G. B., nga Elbasani. Si pasojë e zjarrit nuk ka pasur dëme në njerëz , vetëm dëme materiale. Nga hetimet paraprake dyshohet se shkak i zjarrit është një shkëndi elektrike. Grupi hetimor në vendngjarje po vijon veprimet.
