KLD ka zgjedhur 5 gjyqtarët të cilët do të shqyrtojnë në Gjykatë e Apelit të Krimeve të Rënda dosjen “Hakmarrja për Drejtësi’ pas rikthimit të kësaj dosje për rigjykim nga Gjykata e Lartë.
Gjyqtarët e deleguar për një ndër proceset më të gjata të drejtësisë shqiptare janë nga apeli i Tiranës përkatësisht Agim Bendo, Fatos Qato, Zamir Poda, Alaudin Malaj dhe Artur Kalaja.
Këta gjykatës janë deleguar nga KLD me vendimin nr.88 të datës 8 korrik 2016 dhe sipas këtij vendimi ata delegohen në përbërje të trupit gjykues për të gjykuar për llogari të Gjykatës së Apelit për Krime të Rënda, çështjen penale në ngarkim të të pandehurve: Orik Shyti, Altin Arapi, Gentian Çaka, Nikolin Novruzaj, etj.
Kjo dosja në 12 vite nisur nga 2004 ka kaluar nga Shkalla e parë e krimeve rënda deri në Kushtetuese, për tu rikthyer tashmë në rigjykim në apelin e krimeve aty ku në vitin 2009 nuk u ndryshuan burgimet përjetë dhënë nga shkalla e parë.
