Presidenti turk Rexhep Taip Erdogan i kërkoi Presidentit amerikan, Barak Obama që të arrestojë dhe ekstradojë drejt Turqisë klerikun e njohur mysliman Fetullah Gylen.
Ish-aleati tashmë armiq për shkak të kritikave që Gylen i ka bërë Presidentit turk për rritje të autoritarizmit, ky i fundit kërkon ekstradimin e tij. Erdogan e akuzon Gylenin se qëndron prapa grushtit të shtetit.
“Në qoftë se SHBA dhe Turqia janë vërtetë aleatë strategjikë, atëherë Presidenti amerikan duhet të depërtojë Gylenin”, tha Erdogan.
Imami që predikon dialogun ndërfetar dhe ndërkulturor jeton prej gati dy dekadash në Pensilvaninë Qendrore pas largimit të detyrueshëm nga Turqia. Më shumë se 2.800 persona në radhët e ushtrisë janë arrestuar dhe arrestime të tjera priten anë e mbanë Turqisë.
Deklaratat e tij u bënë gjatë një manifestimi në Stamboll përpara mijëra qytetarëve të thirrur nga partia e Erdogan.
