Deputeti Përparim Spahiu, i përjashtuar disa javë më parë nga grupi parlamentar i LSI, ka deklaruar se do t’i bashkohej partisë së analistit Fatos Lubonja, nëse ky i fundit do të ishte në Parlament.
Lubonja deklaroi dje në Ora News se ka dyshime që ambasadori amerikan Donald Lu të jetë “blerë” nga Kryeministri Edi Rama.
Kjo deklaratë e tij, duket se është në të njëjtën linjë me deputetin Spahiu, i cili u përjashtua nga LSI pasi shprehu hapur mendimin se reforma në drejtësi duhet të miratohet patjetër me konsensusin e të dy palëve politike, dhe jo vetëm nga mazhoranca.
“Nëse Lubonja do ishte në parlamant, do t’i bashkohesha grupit te tij..!!!!”, shkruan Spahiu në Twitter.
Pikërisht për këtë qëndrim të tij, LSI e largoi nga grupi. Kurse sot, më pak se 1 javë nga e enjtja kur drafti do të kalojë në Parlament për miratim, është LSI që mban të njëjtin qëndrim si deputeti i saj që përjashtoi, duke kërkuar me ngulm që drafti me ndryshimet kushtetuese të bëhet me marrëveshjen e mazhorancës dhe opozitës.
në
