Tentativat për marrjen e pushtetit me dhunë nga disa ushtarakë, bënë që të anuloheshin të gjitha fluturimet e djeshme në aeroportin ‘Ataturk’ të Stambollit.
Por, edhe gjatë ditës së sotme që forcat qeveritare kanë marrë situatën nën kontroll, aeroporti ndërkombëtar i Stambollit është ende i mbyllur. Fluturimet nga Tirana janë anuluar.
Fluturimi i mëngjesit i orës 09:25 Tiranë Stamboll dhe Stamboll-Tiranë që duhej të ulej në orën 08:25 janë anuluar. Po kështu, edhe fluturimet e orës 20:55 nga Tirana dhe 20:00 nga Stambolli gjithashtu janë anuluar.
Autoritetet turke në Stamboll nuk lejojnë kryerjen e fluturimeve nga aeroporti ‘Ataturk’ deri në qetësimin e plotë të situatës së krijuar.
