Policia ka gjetur në kamionin që shtypi mbi 80 persona në Nicë një mjet identifikues, me emrin e shtetasit francezo-tunizian, Mohamed Lahouaiej Bouhlel, 31 vjeç.
Sipas policisë, autorike kishte marrë kamionin me qira dy ditë më parë. Hetuesit po vëzhgojnë mundësinë nëse shoferi veproi vetëm. Terroristi 31-vjeçar sulmoi turmën me kamionin e tij dhe nuk iu përgjigj thirrjes së policisë për të ndaluar. Pas masakrës ai u qëllua për vdekje nga Policia franceze.
Deri më tani asnjë grup nuk e ka marrë përgjegjësinë për sulmin, megjithatë prokurorët janë shprehur se ngjarja do të ndiqet nga hetues anti-terror, pasi dyshohet për sulm terrorist. Ndërkohë, ka raporte se ne llogaritë ne Twtter të lidhura me shtetin islamik, riprodhohen fotografi të kasaphanës.
Sipas dëshmitarëve autori bërtiste “Allahu Akbar” – Zoti është i madh – para se të vritej. Një sasi e madhe e armëve, granata dhe armë ‘të mëdha’ u gjetën më pas në brendësi të kamionit.
