Policia e Tiranës jep informacione të tjera për aksidentin që ndodhi sot në Tiranë, ku humbi jetën një grua e cila kalonte rrugën me fëmijët e saj.
Sipas burimeve zyrtare, viktima është 37-vjeçarja me iniciale DH.P.
“Në kryqëzimin e rrugës “Asim Vokshi” me rrugën “Jordan Misja”, një mjet, ka aksidentuar shtetasen Dh. P., 37 vjeçe dhe dy fëmijët e saj të mitur dhe është larguar nga vendi i ngjarjes. Të dëmtuarit janë dërguar në Spitalin ushtarak për të marrë ndihmën e parë mjekësore. Shtetasja Dh. P.,37 vjeçe (nëna e fëmijëve) ka ndërruar jetë në spitalin ushtarak si pasojë e goditjes së marrë nga ky aksident”, deklaron policia.
Po kështu bëhet e ditur se fëmijët L.P. dhe S.P. nuk kanë probleme për jetën. Forcat e policisë kanë shkuar menjëherë në vendin e ngjarjes dhe kanë identifikuar një automjet që dyshohet të jetë me targa AA 476 GL mjet i tipit “Mercedes Benz”, ngjyrë gri C class me pronar Dh.O. Po punohet për kapjen e drejtuesit të mjetit pasi është larguar nga vendi i ngjarjes.
