Në Delhi të Indisë, është gjetur i vdekur një njeri, i njohur për eksplorimin e aktiviteteve paranormale.
Policia është duke e hetuar vdekjen e Gaurav Tiwari, i cili i gjet pa ndjenja në tualetin e shtëpisë së tij, përcjell Telegrafi.
Me të dëgjuar një zhurmë të mbytur, prindërit dhe gruaja e 32-vjeçarit, kanë vrapuar për në tualet, ku e kanë gjetur të shtrirë.
Atë e kanë dërguar me shpejtësi në spital, por ka qenë e pamundur të shpëtohet.
Autoritetet kanë thënë se ai ka vdekur nga asfiksimi, ndërsa kontrollet pas vdekjen, tregojnë për disa shenja misterioze me ngjyrë të errët, në fytin e tij.
Nuk bëhen të ditura rrethanat, se si ka vdekur ky njeri, i cili ka hetuar më se 6 mijë lokacione, që konsiderohen si të ‘pushtuara nga fantazmat’.
“Ai i ka thënë gruas së tij, se po shtyhej nga një forcë negative, të cilës nuk kishte çfarë t’i bënte” ka deklaruar babai i Guarav për ‘Times of India’.
Mbetet misterioze, se si ka vdekur themeluesi i ‘Shoqërisë Paranormale të Indisë’, i cili që nga viti 2009, ka punuar në disa projekte, dhe ka dhënë leksione për hetuesit e rinj, përcjell Telegrafi.
Në videon e plasuar më poshtë, mund të shihen disa nga aktivitetet e tij të punës, të përmbledhura në një dokumentar.
