Policia e Vlorës ka arrestuar ditën e sotme pronarin e një pike tregtimi të gazit, pasi një ditë më parë aty shpërtheu një bombol gazi e cila plagosi dy persona.
Sipas njoftimit të policisë në pranga ra Gazmor Lelo, 41 vjeç, banues në lagjen “1 Maji” Vlorë.
Arrestimi i tij u bë për shkeljen e rregullave të caktuara për mbajtjen, përdorimin, ruajtjen dhe shitjen e prodhimit të lëndëve djegëse (gaz). “Diten e djeshme rreth orës 17:35, në dyqanin e tij (pikë furnizimi me gaz) ka shpërthyer një bombël gazi, e cila për pasojë ka plagosur 2 shtetas; N.C., 67 vjeç dhe shtetasin tjetër me inicialet Gj.Xh., 53 vjeç, i cili u dërgua në Spitalin Rajonal disa minuta më von딬 njofton policia. Të dëmtuarit ndodhen në Spitalin Rajonal duke marrë ndihmë mjekesore, jashte rrezikut për jetën. Materialet i kaluan Prokurorisë për veprën penale “Shkelja e rregullave mbi lëndët plasëse, djegëse dhe radioaktive” në ngarkim të këtij shtetasi.
