Ditët e fundit në Shtete e Bashkuara është dnezur një debat i gjerë.
A kanë të drejtë robotët të vrasin njerëz?
Ky debat lindi, pasi qe pikërisht një robot i komanduar, ai i cili kreu një shpërthim të kontrolluar që i mori jetën atentatorit të Dallasit, që vrau 5 agjentë policie, duke kryer masakrën më të madhe në radhët e policisë amerikane që prej 11 shtatorit 2001.
Tani duket se ky robot ka mbërritur edhe në Shqipëri.
Në fakt ministrja e Mbrojtjes Mimi Kodheli, duke publikuar disa fotografi në rrjetete sociale të robotit në fjalë, bën të ditur se “Forcat e Armatosura të Shqipërisë kanë hyrë në rrugën pa kthim të modernizimit. Shëndeti dhe jeta e efektivëve të kompanisë EOD do të jetë më e sigurt. Ekipi amerikan ‘I-robot packbot’ ka ‘zbarkuar’ në Komandën Mbështetëse. ‘Skuadra e bombave’ e Forcave të Armatosura ka nisur trajnimin për përdorimin dhe mirëmbajtjen e Robotëve EOD”, – shkruan Kodheli.
